[ ახალი შეტყობინებები · მონაწილეები · ფორუმის წესები · ძებნა · RSS ]
გვერდი 1 დან1
Kirk Forum » მთავარი კატეგორიები » ინფორმაცია » III საერთაშორისო ფესტივალი აღდგომიდან ამაღლებამდე
III საერთაშორისო ფესტივალი აღდგომიდან ამაღლებამდე
14:08
III საერთაშორისო ფესტივალი აღდგომიდან ამაღლებამდე

1 მაისიდან 3 ივნისამდე ლიანა ისაკაძის პატრონაჟით საქართველოში ჩატადება III საერთაშორისო ფესტივალი „აღდგომიდან ამაღლებამდე“. ფესტივალი ეძღვნება სრულიად საქართველოს კათოლიკოს-პატრიარქის, უწმინდესისა და უნეტარესის ილია II-ის დაბადებიდან 75 წლის იუბილეს. ფესტივალის პროგრამა მოიცავს კონცერტებს თბილისში, გურჯაანსა და მესტიის რაიონში.

ფესტივალის პროგრამა

თბილისი

1-6 მაისი, 2008 წ.

1 მაისი - რუსთაველის თეატრის დიდი დარბაზი - დასაწყისი - 19 სთ.

„ბავშვების ხელოვნება“

მონაწილეობენ: თბილისის I და II ცენტრრლური სამუსიკო სასწავლებლის, თბილისის 21, ქუთაისის 1 სამუსიკო სკოლების მოსწავლეები; ფოლკლორული ანსამბლები: „რუსთავი“, „ლაშარელა“, „ნაბადი“
რეჟისორი - ხათუნა ბედელაძე
კონსულტანტი - ფრიდონ სულაბერიძე

2 მაისი - ეროვნული მუსიკალური ცენტრი - დასაწყისი 19 სთ.

სოლისტები: ხატია ბუნიათიშვილი - ფორტეპიანო
თამარ ლიჩელი - ფორტეპიანო
ირაცლი ცხადაია - ვიოლინო
გიორგი ხარაძე - ჩელო
ევ. მიქელაძის სახ. ეროვნ. სიმფ. ორკესტრი
დირიჟორი - ნიკა მემანიშვილი
პროგრამაშია: ბეთჰოვენი - კონცერტი ვიოლინოს, ჩელოს, ფორტეპიანოსა და სიმფონიური ორკესტრისთვის
ბრამსი - კამერულ-ინსტრუმენტული ნაწარმოებები

4 მაისი - რუსთაველის თეატრის მცირე დარბაზი - დასაწყისი 19 სთ.

ვოკალური მუსიკის საღამო
ნანა ქავთარიშვილი - სოპრანო
ქეთევან ქემოკლიძე - მეცო სოპრანო
თემურ გუგუშვილი - ტენორი
სულხან გველესიანი - ბარიტონი
კონცერტმაისტერები: ვიქტორია ჩაპლინსკაია, ხათუნა ლოლაძე
პროგრამაშია: ბახის, დონიცეტის, ვერდის, გუნოს, ლეონკოვალოს, პუჩინის, არაყიშვილის, ფალიაშვილის, თაქთაქიშვილის, ლაღიძის ნაწარმოებები.

5 მაისი - კონსერვატორიის დიდი დარბაზი - დასაწყისი 19 სთ.

საფორტეპიანო მუსიკის საღამო
ედიშერ სავიცკის კონცერტი
პროგრამაშია: მოცარტის, ფრანკის, პროკოფიევისა და სკრიაბინის ნაწარმოებები.

6 მაისი - კონსერვატორიის დიდი დარბაზი - დასაწყისი 19 სთ.

ქართველ მევიოლინეთა გალა-კონცერტი
ეძღვნება პროფ. ლეო შიუკაშვილის დაბადების 100 წლისთავს
მონაწილეობენ: ლიანა ისაკაძე, კონსტანტინე ვარდელი, გიორგი ბაბუაძე, ნინო მელიქიშვილი, ზაზა ფურცელაძე
კონცერტმაისტერები: ნათელა ბუცხრიკიძე, თამარ ლიჩელი, ია კენკებაშვილი
ევ. მიქელაძის სახ. ეროვნული სიმფონიური ორკესტრი
დირიჟორი - ლიანა ისაკაძე
პროგრამაშია: ვივალდის, ბახის, ჩაიკოვსკის, ვენიავსკის, შოსონის, ვიეტანის, ბლოხის, დინკუს, ლობოდას ნაწარმოებები

18 მაისი - გურჯაანი;

3 ივნისი - მესიის რაიონის სოფ. ლატალი;

უცხოეთის ქრონიკა
კონფლიქტი იერუსალიმის მაცხოვრის საფლავის ტაძარში

იერუსალიმში ბზობის დღესასწაულზე უფლის აღდგომის ტაძარში მოხდა კონფლიქტი ბერძენ და სომეხ მღვდელმსახურთა და საეროთა შორის. უთანხმოება წარმოიშვა აღნიშნულ ტაძარში სხვადასხვა კონფესიის მიერ მსახურების აღვლენის დადგენილი დროის დარღვევის მოტივით. გავრცელებული ინფორმაციით, სომხებმა ჩათვალეს, რომ ბერძნებმა გადააცილეს ამ ვადას. ზოგიერთი მოწმის მონათხრობის მიხედვით, სომეხმა მღვდელმა ძალით გამოიყვანა ბერძენი მღვდელი კუვუკლიიდან, რამაც წარმოშვა დაპირისპირება, რომელიც ხელჩართულ ბრძოლაში გადაიზარდა. სამართალდამცავების მიერ დაკავებულია ორი სომეხი. იერუსალიმის პატრიარქ თეოფილეს სიტყვებით, „სომხები ზეწოლას ახდენენ ღვთისმსახურების ჩატარების მარეგულირებელი წესების შეცვლის მიზნით“. ამ ინციდენტში სომხური მხარის პოზიციის შესახებ ინფორმაციას არ ვფლობთ.

პალესტინის ქრისტიანული მოსახლეობის რიცხვი განუხრელად მცირდება

პალესტინაში გახშირდა ქრისტიანთა ემიგრირება. ამ ქვეყანაში მათი სიცოცხლე სულ უფრო მეტ საფრთხეს შეიცავს. ერთი მხრივ მათ მუსლიმი მოსახლეობისაგან ტერორისტული აქტები ემუქრებათ, მეორე მხრივ, მათ მკაცრად აკონტროლებენ ებრაული კანონები. ბოლო ასწლეულის მანძილზე ქრისტიანული მოსახლეობის წილი პალესტინაში 25%-დან 2,5%-მდე შემცირდა.

მუსლიმი ლიდერი რომის ისლამურ ქალაქად გადაქცევას წინასწარმეტყველებს

პალესტინის პარლამენტის წევრმა, მოძრაობა ჰამასის ერთ-ერთმა ლიდერმა და რელიგიურმა ავტორიტეტმა იუნის ალ-ასტალმა განაცხადა, რომ მალე რომს ისევე დაიპყრობენ მუსლიმები, როგორც კონსნტინოპოლი დაიპყრეს - მუჰამედის წინასწარმეტყველების მიხედვით. „ჩვენი ჯიხადი და ჩვენი მსხვერპლი ჩვენს შვილებს უნდა გადაეცეთ... კაცობრიობის გადასარჩენად“ - თქვა მუსლიმმა ლიდერმა.

კენტერბერიის არქიეპისკოპოსი ამერიკისა და ინგლისის მთავრობებს აკრიტიკებს

წინა აზიის ქრისტიანთა ამ ბოლო დროს გაძლიერებულ დევნაში ანგლიკანური ეკლესიის თავკაცმა კენტერბერიის არქიეპისკოპოსმა როუენ უილიამსმა პირდაპირ დაადანაშაულა აშშ-სა და დიდი ბრიტანეთის მთავრობები, რომელთა პოლიტიკური კურსი ამ რეგიონში ქრისტიანებისთვის „პირდაპირ რისკს“ თესავს.

ქრისტიანული მოსახლეობა ყოველთვის მნიშვნელოვან როლს თამაშობდა წინა აზიის სოციალურ, ინტელექტუალურ და კულტურულ განვითარებაში. ამჟამად კი ისინი ასოცირდებიან ამერიკულ და ბრიტანულ პოლიტიკურ პროექტებთან, რომელსაც მუსლიმები ანტიისლამურად აღიქვამენ.

უცნაური ინციდენტი ნიუ-იორკის აეროპორტში

ავიარეის ნიუ იორკ - სან ფრანცისკოდან მოხსნეს ებრაელი მგზავრი, რომელმაც, აეროპორტის მესვეურთა განმარტებით, გაფრენა შეაყოვნა. იგი სალონში ადგილის დაკავებისთანავე თვითმფრინავის კუდისკენ გაემართა და ლოცვა დაიწყო. სტიუარდესას მოთხოვნა, თავისი ადგილი დაეკავებინა, მან უგულებელყო. მგზავრის ამხანაგების რწმუნებით, მას ლოცვის შეწყვეტის უფლება არ ჰქონდა, რაც თავად მგზავრმაც დაადასტურა ორიოდე წუთში ლოცვის დამთავრებისას. მაგრამ მას მაინც დაატოვებინეს თვითმფრინავი და დანიშნულების ადგილზე შემდეგი რეისით გაუშვეს.

რელიგიურ ლიდერთა „შავი სია“

ჟურნალმა Foreign Policy გამოაქვეყნა „მსოფლიოს ყველაზე უარესი რელიგიური ლიდერების რეიტინგი“, რომელშიც შეიყვანეს იმ ლიდერთა სახელები, რომლებიც არათუ მოუწოდებენ მოსახლეობას ტერორისა და ძალადობისაკენ, არამედ ხშირად თავადაც მონაწილეობენ ძალადობის აქციებში. „შავ სიაში“ მოხვდნენ ჰასან ნასრალა (ლიბანური ორგანიზაცია „ჰიზბოლაჰის“ ლიდერი - შიიტი მუსლიმი), ჯოზეფ კონი (ოფიციალური ვერსიით ქრისტიანი, არაოფიციალურით - საკუთარი რელიგიური ორგანიზაციის მეთაური უგანდაში), იოგი ადიტიანატი (ინდოეთის პარლამენტის წევრი, ინდუისტი), ატურალიე რატანია (შრი-ლანკის პარლამენტის წევრი, ბუდისტი), დოვ ლიორი (კირიატ-არბას მთავარი რაბინი, იუდაიზმის ხასიდური ფრთის წარმომადგენელი) და სხვები.

პარაგვაის პრეზიდენტი კათოლიკე მღვდელმსახური ხდება

პარაგვაის საპრეზიდენტო არჩევნებში გამარჯვება მოიპოვა ყოფილმა კათოლიკე ეპისკოპოსმა ფერნანდო ლუგომ, რომელმაც 2006 წელს მიატოვა მღვდელმსახურება პოლიტიკაში წასვლის გამო. იგი 1947 წლიდან პირველი პრეზიდენტი იქნება, რომელიც არ მიეკუთვნება ნაციონალურ-რესპუბლიკურ ასოციაცია „კოლორადოს“.

გაზეთიდან: „საპატრიარქოს უწყებანი“, № 15, 2008 წ.

Kirk Forum » მთავარი კატეგორიები » ინფორმაცია » III საერთაშორისო ფესტივალი აღდგომიდან ამაღლებამდე
გვერდი 1 დან1
ძებნა: